Ҳавопаймои РН-5 бо сабаби тирагии обу ҳаво натавонист дарвозаи Рӯшон яке аз хавфноктарин қисмати масири Хоруғ-Сталинободро убур кунад. Сарнишин тасмим гирифт дарвозаро бо баромадан ба баландии болотар пушти сар кунад, аммо роҳро гум карда, ба кӯҳпорае бархӯрд. РН-5 даруни барфтӯда афтида, мусофиронаш осеби ҷиддӣ надиданд. Сарнишин ва мусофирони РН-5 дар баландии 4500 метр дар шароити бисёр сахт асири кӯҳҳои касногузар шуданд. Баъди машварати кӯтоҳ чанд нафар тасмим гирифтан поини кӯҳ фароянд ва барои наҷот додани зан бо ду кудакаш наҷотдиҳандаҳоро равон намоянд. Аммо онҳо вақте поин омаданд аз зан бо ду кӯдакаш фармуш кардан. Зан баъд аз 85 рӯз наҷот ёфт. Дар рӯзҳое, ки зан мунтазири наҷот буд, фарзандонаш фавтиданд ва ӯ барое, ки зинда монад фарзандҳои фавтидаашро истеъмол карда аст

Дар натиҷаи иштибоҳи сарнишин ва диспетчер Ил-18 бо суръати 840 км/соат ба замин бархурд. Зимни суқут болҳои ҳавопаймо канда берунаш ба коми оташ гирифта шуд. Худи ҳавопаймо дар яке аз даштҳои ноҳияи Мастчоҳи вилояти Ленинобод сукут кард. Ҳамаи мусофирон ба ҳалокат расиданд

Ба гуфтаи мардум ба ҳавопаймои ЯК-40, ки 31 ҷои нишаст дорад, бо фишори ҷанговарон 86 нафарро бо бағоҷашон ба он бор карданд, ки дар натиҷа дучори садами иҷборӣ шуд. Ҳавопаймо баъд аз сурат гирифтанаш як каме аз замин парвоз карду сипас ба дарё афтид. Дар натиҷа 82 нафар дар ҷои ҳодиса ба ҳалокат мерасанд

Суқути парвози Хуҷанд – Шарҷа, пурқурбонитарин сониҳа дар таърихи ширкатҳои ҳавопаймоии Тоҷикистон ба ҳисоб меравад. Ҳавопаймои ТУ-154 бо 7 сарнишин 79 мусофири ширкати сайёҳии "Хуҷандтурист" дар Имороти Муттаҳидаи Араб суқут кард. Ҳавопаймо баъди чанд даврзанӣ дар атрофи фурудгоҳи барои нишастан пойин шуд, вале дар баландии 60 метр дучори ҳавои турбулентӣ шуда, якбора суқут кард ва бо суръати 370 километр дар соат ба замин бархӯрд.
Аз 86 нафаре ки дар ҳавопаймо буд, танҳо 1 нафар – штурмани ҳавопаймо Сергей Петров, ки дар лаҳзаи ба замин бархӯрдани ҳавопаймо аз кабина ба берун афтод, зинда монд

Чархбол ба гурӯҳи неруҳои марзбонони Русия дар Тоҷикистон таалуқ дошт. Чарбол баъд лаҳзаҳои аввали парвоз суқут кард. Сарнишин идораи чархболро гум кард ва чархбол ба замин хурд. Дар натиҷаи суқути чархбол 18 нафар ҷони худро аз даст доданд. Аз ҷумла миёни фавтидагон роҳбари штаби гурӯҳи марзбонони Русия дар Тоҷикистон генералғмаойр Михаил Берсенев буд

Ҳавопаймои суқуткардаи АН-12 аз шаҳри Ҷуба ба қасди Палоч дар аёлати Нили боло парвоз мекард, вале дар наздикии фурудгоҳи байналмилалӣ болои як шаҳраки моҳигирон суқут кард. Шумори фавтидагон 35 нафарро ташкил дод. Дар натиҷаи ин сониҳа 35 нафар, бо шумули 6 узви экипажи ҳавопаймо – 5 шаҳрванди Арманистон ва як шаҳрванди Русия – ҳалок шуданд