Qədəhin dörddə bir hissəsinə şərab tökmək lazımdır. Nəzərə alın ki, şərab şəffaf olmalıdır. Bulanıq, yaxud da içində qaz qabarcıqlarının olması, şərabın qüsurlu olduğuna dəlalət edir. Qədəhi yuxarı qaldırıb baxanda, onun dərinlikləri və rənginin dolğunluğu görünməlidir. Şərab nə qədər çox qırmızıdırsa, bu onun cavan, hazırlandığı üzümün qabığının isə qalın olduğunu göstərir.
►Amma bir sirr də var: qırmızı şərab yaşlandıqca, rəngi solur, ağ şərab isə daha tünd rəng almağa başlayır. Şərabın rəngi nə qədər şəffaf və incə çalarlıdırsa, demək bir o qədər yaxşıdır. Gənc ağ şərab yaşılaçalan rəngdə olur.
►Qismən yetkin şərab saman qızılı rəngdə, tam yetkin şərab isə kəhrəba rəngində olur. Boz və ya qəhvəyi rəng - şərabın ölməsinin sübutudur.
►Şərab qədəhlərinin müxtəlifliyi artıq çoxdan marketinq yanaşması deyil. Şərabı təbiət qoynunda sakitcə plastik stəkandan da içmək olar və biz tez-tez məhz belə də edirik. Amma əgər dadı tutmaq və şərabın bütün zənginliyini hiss etmək istəyiriksə, onda uyğun qədəhi seçməliyik.